Gina-istoryahan sa karon ang nangin eskperyensya sang  ka doctor sa una nga adlaw sang iya nga duty sa Rajavithi Hospital sa Bangkok, Thailand.

Suno sa 25-anyos nga si Varanya Nganthavee, indi sini malipatan ang isa ka pasyente makaligad nga magreklamo kag magsuprer nga tuman ka sakit ang iya nga talinga.

Manug-out na suno pa ang doctor sang nag-abot sa pasyente nga ginkilala lamang kay Allen bangud 2 na

ka adlaw ang pag-antos sini sang sakit sa iya nga dalungan.

Bangud diri, nag-usar ang doktor sang otoscope agud nga tan-anwon ang ear canal kag tuman ang kakibot sini nga may yara sang nagahulag sa sulod.

Nagbutang man gani sya sang antibiotic drops sa talinga ni Allen kag ginpagilid ini sa paglaum sini nga mkakaguwa kun ano man ang insekto nga yara sa sulod apang wala ini natabo.

Diri na nag-usar sang tweezers si Varanya agud nga makagwa ang insekto apang isa ka tiki ukon gecko lizard nga ginatawag nga Jing Jok nga makit-an lamang sa Thailand ang nakuha sang doctor kag ini angg buhi kag nagahulag pa.

Liwat man nga gin-check san doctor ang talinga ni Allen kun may nabilin nga parte sang tiki sa iya ngga talinga kag nangin clear naman ang tanan.

Sa karon, palamangkutan sa gihapon sa doctor kun ngaa nakasulod ang nasambit nga tiki sa  talinga sang pasyente.