KORONADAL CITY -Mas luyag suno pa sang mga Thai protesters nga magbiya sa pwesto si Prime Minister Prayoth Chan-o-cha sa baylo nga magsugot ini sa isa ka dayalogo.

Ini ang ginpakigbahin ni Shiny Jane Calibayan, isa ka manunudlo sa Bangkok, Thailand sa interbyu sang Bombo Radyo Koronadal makaligad ang tanyag suno pa nga pagsinapol sang prime minister sa mga estudyante nga raliyesta.

Suno kay Calibayan nga tumandok sang Brgy. Moloy, sa banwa sang Surallah, akig suno pa ang mga raliyesta subong kag luyag nga pahalinon sa pwesto si Prime Minister Chan-o cha bangud puno na suno pa ang mga ini sa pagpamuno sang nasambit nga lider.

Apisar mga underage kag mga stranded sa mga tren ang nagpakigbahin na man sa demonstrasyon kon sa diin naglab-ot sa masobra 100,000 ang nakigbahin.

Dugang ni Calibayan, nagakabalaka ang Tahi government nga posible magguwa ang mga kaso sang covid-19 bangud sa nasambit nga pagtililipon nga magaresulta sa liwat nga pagpatuman sang lockdown.