Tensiyon nagluntad sa munisipyo sang Colombio, Sultan Kudarat bangud sa 2 ka nagapungko nga alkalde; operasyon apektado man

260
-- ADVERTISEMENT --

KORONADAL CITY – Tensiyunado sa karon ang munisipyo sang banwa sang Columbio, Sultan Kudarat bangud sa duha nga nagapungko nga alkalde matapos ang ginpaguwa nga suspension order batuk kay Mayor Edwin Bermudez.

Sa eksklusibo nga interbyu sang Bombo Radyo Koronadal kay Mayor Bermudez, mangin ang operasyon sang munisipyo ang naapektuhan man bangud sa mga ginpa-close nga accounts sang LGU-Colombio.

Suno kay Bermudez, ginpasakaan siya sang reklamo nga graft and corruption, malversation of public funds kag abuse of authority sang Secretary to the Sanggunibang Bayan nga si Albert H. Astero apang wala naman suno pa ini sang may nasuporta nga mabakod nga ebedensiya nga makapamatuod sa iya nga alegasyon.

Apang sa pihak sang kawad-an sang mabakog nga ebedensiya kag due process ginpaguwa sang Sangguniang Panlalawigan sang Sultan Kudarat ang isa ka resolusyon nga nagasuspender sa alkalde sa sulod sang 60 ka adlaw nga ginsuportahan naman suno pa ni Sultan Kudarat Governor Suharto “Teng” Mangudadatu.

Sa pihak sini, nagpanindugan si Bermudez nga siya sa gihapon ang alkalde sang Colombio apisar nga ginbutang na sang gobernador sang probinsiya si Vice Mayor Amirh Musali bilang acting Mayor.

-- ADVERTISEMENT --

Kaangot sini, naghingyo sang bulig sa DILG-12 si Bermudez kag nag-apela sa Office of the President nga magpatunga na sa nagakatabo nga tension sa ila nga banwa.

Sa pagkamatuod may nagpatigayon pa sang rally ilabi na ang mga supporters ni Bermudez sa atubangan sang munisipyo.