KORONADAL CITY – Nagapadayon ang imbestigasyon sang Banga PNP angot sa nagluntad nga aksidente sa banwa sang Banga nga ginkapilas sang tatlo ka tawo.


Sandig sa inisyal nga imbestigasyon sang Banga PNP, nagluntad ang aksidente sa Brgy. San Vicente kun sa diin pakadto sa direksyon sang siyudad sang Koronadal ang Nissan Navarra sang nakasugata nila ang Hilux nga padulong sa pihak nga direksyon kun sa diin sakay ang mga empleyado sang PLDT.


Suno kay Police Major Joseph Forro III, chief of police sang Banga PNP, natukiban nga naglupok ang duha ka royda sang Hilux matapos mga mag-overtake sa isa ka motorsiklo kag nadulaan ini sang kontrol rason nga nabunggoan ang Nissan Navarra.


Nakaangkon sang damyos ang tagsa kaa mga salakyan kun sa diin nakapagkit man sang 3 ka pilason.

Sa interbyu naman sang Bombo Radyo Koronadal kay Gretchen Rocio, tag-iya sang Nissan, ginamaneho sang iya pakaisa nga si Eric ang salakyan kag pakadto sila sa banwa sang Tupi kun sa diin may dala sila nga mga groceries sang nagluntad ang aksidente.


Nagapasalamat na lamang ang mga ini nga apisar tuman ang damyos sa mga salakyan, minor injuries lamang ang kadam-an sa mga biktima.