KORONADAL CITY – Aminado ang Talayan PNP nga isa ka dako nga hangkat sa ila ang panawagan sang Talayan LGU sa madasig nga pagsolbar sa kaso sa pagluthang patay kay Guindulungan councilor Morsid Lauban sa probinsya sang Maguindanao.

Sa interbyu sang Bombo Radyo Koronadal kay PLt. Sukarlo Banggas, ang acting chief of police sang Talayan PNP, ginpahayag sini nga madamo pa sila sang mga palamangkutanon nga luyag masabat kasunod sa brutal nga pagpatay sa nasambit nga konsehal.

Photo credits to the owner.

Dugang sang opisyal, padayon man ang pagkolekta nila sang impormasyon kag pagpamangkot agud gilayon nga masolbar ang kaso.

Isa man suno pa mga inisyal nga mga clue sang mga otoridad amo ang ginpahayag sang duha ka kaupdanan sang ginpatay nga konsehal kun sa diin yara sa duha suno pa ukon tatlo ka suspek nga nakasakay sa motorsiklo ang mga suspek.