KORONADAL CITY – Yara na sa kustodiya sang kapulisan ang granada, mga arnmas kag mga bala nga nakutkutan sa Barangay Palian, Tupi South Cotabato.
Ini ang ginpahayag ni PSSUPT Nestor Salcedo, provincial director ng South Cotabato sa interbyu sang Bombo Radyo Koronadal.

Suno kay Salcedo, nakabaton sang impormasyon ang Tupi Municipal Police Station kag Criminal Investigation and Detection Group(CIDG) gikan sa isa ka concerned citizen angot sa ginlubonga nga eksplosibo kag mga armas luthang.

Sang ginpadulungan sang mga ini ang lugar didto kag nangin positibo ang report.

Nakuha sa mga lugar ang homemade thompson engram, homemade caliber 38 pistol single shot, homemade caliver 22 revolver, fragmentation grenade, rifle grenade, 22 ka mga bala kag magazine.

Sa subonga padayon ang imbestigasyon sang kapulisan kun sin-o ang nagapanag-iya sang nasambit nga mga eksplosibo.