SURALLAH, SOUTH COTABATO – Pormal na nga ginpasakaan sang kaso nga multiple murder ang suspek nga nagbuno-patay sa tatlo ka miyembro sang pamilya Calibayan sa Prk. Lambukon, Brgy. Canajay, Surallah, South Cotabato.


Ini ang ginpahayag ni Police Major Marifel Maganto, hepe sang Surallah PNP sa interbyu sang Bombo Radyo Koronadal.


Ini makaligad nagsungka sa isa ka barangay kagawad sa Brgy. Colonggulo ang suspek nga si John Jobert Dunis makaligad ginbuno ang mga biktima nga sanday Benedicto Calibayan, asawa sini nga si Japelina kag bata nila nga si Victoria.


Suno kay Maganto, gin-ako sa iya sang suspek nga nakainom ini kag nagdulom suno pa ang iya panan-awan bangud sa pagpati sini ginaguba siya sang iya mga ugangan makaligad wala ginasabat sang iya asawa ang iya mga tawag.


Nagapamalabag ini sa plano sang iya asawa nga yara sa Manila subong nga mag-abroad.


Dugang sang hepe, tuman suno pa ang paghinulsol ni Dunis sa ginhimo niya nga pagmasaker sa mga biktima.


Nahibaloan nga may bata ang suspek sa iya asawa nga nagapang-edaron sang 10, 8 kag 2 anyos.