-- ADVERTISEMENT --

KORONADAL CITY-Nagapaayo na sa karun sa balay-bululngan ang isa ka survivor sang pagpangluthang sa bahin sa Barangay Rotonda, syudad sang Koronadal sang tinalikdan nga adlaw.

Sa ekslusibo nga interview sang Bombo Radyo Korondal kay Ernie Ramirez,survivor sa pagpangluthang, medyo indi pa ini kaayo makaun bangud sa iya naagom nga igo sang bala sa iya nga baba.

Suno sa iya, mapasinalamaton ini bangud nabuhi pa siya sa natabo nga pagpangluthang,apang makabatyag sa gihapon ini sang trauma bangud sa iya naagyan. Ginpahayag sini nga siya ang una nga ginpalapitan sang gunman nga nagpakuno-kuno nga makig-transak angot sa ila nga opisina.

Namutikan man sini nga malayo ang panan-awan sang suspek kag daw may gina hulat. Suno pa saiya, ginhukas pa sang gunman ang iya nga facemask samtang naga transak sila sa sulod sang opisina, ginlaragway pa sini nga ang gunman yara sa mga edad 20-30 anyos , tama tama ang panglawason, apang indi nya na ini maitsurahan pa.

Dugang pa sini, posible nga nag banda sa semento ang bala nga naka-igo sa iya nga baba kag indi gid siya ang punterya sang gun man bangud wala sya gin tiwasan sini.Sa subong, naga paayo na ini sa isa ka balay bululngan kag naga dahom nga madasig ang recovery sini.

-- ADVERTISEMENT --