-- ADVERTISEMENT --

KORONADAL CITY – Yara sa masobra P200K ang ginbilin nga damyos sang pagkasunog sang stockroom sang Koronadal National High School (KNCHS) Junior High School Extension sa Barangay Paraiso, Koronadal City alas-2:46 biyernes sang hapon.

Ini ang ginpahayag ni SFO3 Ricky Villacora, imbestigador sang BFP Koronadal sa interbyu sangBombo Radyo.

Suno kay Villacora, nagsugod ang kalayo sa nag-spark nga wire tubtob nga nagkalayo kag nasunog ang mga papel kag modules nga nakatambak sa nasambit nga stockroom.

Maayo na lamang kag gilayon nga nagbuligay ang mga ginikanan nga nakakita sa insidente bangud nagadistribwer sang mga modules sang sin nga tion kag wala na natigayon pa nga maglapta ang kalayo sa iban nga kwarto.

-- ADVERTISEMENT --

Apang, madamo sang mga modules nga nasunog samtang ang iban nabasa bangud sa tubig nga ginpatay sang kalayo.

Emosyunal naman nga nagpasalamat si Gng.Lenie Latigo, principal sang KNCHS Annex Brgy. Paraiso Campus tanan nga nagbulig aud maapula ang kalayo kag hindi na maglapta pa.

Nahibaluan nga nagapatigayon sang distribution sang mga modules ang mga manunudlo sa nasambit nga buluthuan sang magluntad ang sunog rason nga nagbuligay ang mga ini agud nga makuha ang iban nga mga gamit sa sulod sang stockroom.