KORONADAL CITY – Pormal na nga magapanumpa subong nga adlaw si Sto. Nino Vice Mayor Sulpicio Villalobos bilang alkalde sang nasambit nga banwa, makaligad ginpatay si Mayor Pablo Matinong.


Ini ang ginpahayag ni Sto.Nino Municipal Administrator Joeffry Frinal sa eksklusibo nga interbyu sang Bombo Radyo Koronadal.


Suno sa opisyal, subong nga adlaw pagahiwaton ang oath-taking nga pagatambungan sang pila ka empleyado kag isa ka judge nga magaorganisa sang nasambit nga pagpanumpa.


Luyag lamang nila himoon nga simple ang nasambit nga oathtaking agud hatagan sang respeto ang napatay nga alkalde kag sa mga pumuluyo nga tubtob sa subong nagapangasubo sa gihapon.

May panawagan naman si Frenal sa mga kaiping nga banwa nga luyag magkadto kag makit-an ang haya sang napatay nga alkalde nga kuntani hangpon anay sang mga ini nga pagaunahon anay ang mga pumuluyo sang ila banwa nga magabisita sa napatay nga alkalde.


Ginpakigbahin man sini nga padayon ang pagbutang sang mga residente sang mgg kandila sa mga dalan, bilang patimaan nga nagapangasubo gihapon ang mga ini sa pagkapatay sang nasambit nga alkalde.


Grieving residents placed candles beside the road as commemoration to the late Sto Nino Mayor Pablo Matinong. (photo credits to the owner)

Kun madumdoman nga ginluthang patay sang riding in tandem sang nakaligad nga adlaw sang Biyernes si Mayor Matinong nga iya nga ginkapatay.