KORONADAL CITY- Ginakalipay sang probinsya sang South Cotabato ang pagkorona kay Miss Universe 2018 Catriona Gray sa ginpatigayon nga 67th Miss Universe beauty pageant sa pungsod Thailand.

Sa ekslusibo nga interbyu sang Bombo Radyo Koronadal kay South Cotabato pageant director Noel Garovillo nga nagdayo pa sa Thailand agud saksihan ang prestihiyoso nga beauty pageant, ginlaragway sini nga graceful and fierce ang performance ni Catriona kun sa diin tuman ang paghilinugyaw sang mga tawo sa IMPACT Arena.

Mixed emotions man ang palibot sang gin-anunsyar nga Pilipinas ang Miss Universe kun sa diin naghilibion ang mga Pilipino bangud sa tuman nga kalipay.

Samtang sa pihak nga bahin, nagpasalamat kag ginapabugal sang mga South Cotabate├▒os nga ginpakilala sa kalibutan ni Catriona ang Tnalak cloth nga gin-usar sini sa beauty pageant nga isa ka sagrado nga tela nga ginahabi sang T’boli people sa Lake Sebu, South Cotabato sa isla sang Mindanao.