KORONADAL CITY – Ginahaya na sa subong isa ka soltero matapos nga naghikog-patay ini sa ila nga puluy-an sa Brgy. Magsaysay, Koronadal City.

Ginkilala ang nasambit nga biktima nga si Jirine Fernandez Saludo, 24 anyos kag residente sang Prk. Pagasa sa nasambit nga barangay.

Sa interbyu sang Bombo Radyo Koronadal kay Brgy. Magsaysay kapitan Luz Bustillo, ginpahayag sini nga nakibot siya sang mabalitaan ang natabo.

Nagapanawagan ini sa mga ginikanan nga dapat bantayan sang maayo ang ila mga kabataan kag gilayon nga istoryahon sa tion nga may problema ang mga ini.
Suno naman sa iya iloy nga si Catherine, may yara suno pa sang third eye si Jirine kun diin may makita ini nga mga makatilingala kag mga espiritu sa ila nga puluy-an.

Ginaimbestigaran pa sa karon sang mga otoridad ang anggulo ukon motibo sang paghikog sang biktima.

Nahibaluan nga sang nagliligad nga tuig naghikog man ang lola sang biktima paagi sap ag-inom sang hilo matapos nga ginlabo ang bana sini.