KORONADAL CITY – Nagpaguwa sang cease and desist order (CDO) ang talatapan sang Securities and Exchange Commission batok sa ginaaligar nga investment scam nga Crowd-1 Asia Pacific Inc.

Base sa ila kamandoan sadtong Mayo 12, ginamandoan sini ang mga miyembro nga mag-untat sa operasyon nga may kaangtanan sa nasambit nga scheme.

Ginlaygayan man sini ang mga pumuluyo nga proteheran ang ginpangabudlayan nga kwarta agud indi liwat mabiktima kasubong sang KAPA, Rigen, Almamico kag iban pa.

Una na nga ginbuyagyag sang isa ka alyas Ven ang modus sang nasambit nga grupo kag ang mga paagi suno pa agud makaganar diri.