KORONADAL CITY- Ginakabig nga husto nga desisyon sang mga anay miyembro sang rebelled nga grupo nga Bangsamoro Islamic Freedom Fighters (BIFF) ang ila pagbalik sa sabak sang gobyerno makaligad makabaton ang mga ini sang bulig halin sa gobyerno.

Nahibaloan nga ang nasambit nga bulig amo ang livelihood package halin sa gobyerno lokal sang Maguindanao kun sa diin ginpatigayon ang turnover ceremony nga ginsaksihan mismo sang mga opisyal sang Maguindanao, Armed Forces of the Philippines, Bureau of Fisheries and Aquatic Resources, Bangsamoro Autonomous Region in Muslim Mindanao Director Janice Musali, Department of Agriculture-BARMM Director Datun Nur kag highlight man sa turnover ceremony ang aktor kag peace advocate nga si Robin Padilla.

Nahibaloan nga naghatag sang inspirational message si Robin sa mga anay rebelde para sa ila tigayon nga pagbag-o sa kabuhi kag ginpakita man sini ang dako nga respeto kag suporta sa programa sang gobyerno nga nagaduso sang kalinong.

Ginkalipay man sang mga anay rebelde sang actor ilabi na nga idolo nila ini.

Madumdoman nga nagsungka ang 30 ka mga rebelled sa 33rd Infantry Battalion Philippine Army.