KORONADAL CITY – Nagapadayon ang imbestigasyon sang mga otoridad sa pagpamuno-patay sa mag-asawa nga senior citizen sa Barangay Magsaysay, Koronadal City.

Ginkilala ang mga biktima nga sanday Arthur Aquino, retirado nga suldado kag Erlinda Aquino, retirado nga midwife, nga lunsay mga residente sang Purok Maligaya, Barangay Magsaysay.

Sa interbyu sang Bombo Radyo Koronadal kay Barangay Kapitan Luz Bustillo, nasapwan na lamang nga wala na sang kabuhi kag nagapaligo sang dugo ang mga biktima sa sulod sang puluy-an.

Naguwa sa imbestigasyon sang mga otoridad nga ginsulod suno sang wala pa makilala nga suspek ang mga biktima kag ginpangbuno usar ang is aka patalom.

Nag-angkon sang madamo nga buno sa nagkalain-lain nga bahin sang ila nga lawas ang mga biktima nga gintunaan sang kamatayon sang mga ini.

Sa subong, wala pa mahibaluan ang matuod nga motibo sa pagpatay sa mga biktima.