KORONADAL CITY – Malipayon ng ginbaton ni North Cotabato Governor Nancy Catamco ang 3 ka mga miyembro sang Bangsamoro Islamic Freedom Fighters nga nga balik sa sabak sang gobyerno sa iya nga probinsya bitbit ang mga matag-as nga kalibre sang armas luthang nga gina-usar sang mga ini.

Sandig kay 602nd Brigade Commander Col. Jovencio F. Gonzales, nagbalik ang mga anay terrorista sa malinong kag matawhay nga pagpangabuhi bangud natak-an na ang mga ini sa pagpakigbato sa mali nga pagsulundan.

Nagbaton naman sang tig-P 10,000 bilang inisyal nga bulig sa ila nga pagbag-o padulong sa malinong nga pagpangabuhi.

Ginsurender naman sang mga ini ang isa ka unit sang Caliber 50 homemade rifle, 2 ka unit sang improvised RPG,1 ka unit sang 12 guage shotgun with magazine ,1 ka rifle grenade ,1 unit sang warhead kag 2 ka rounds sang 50 caliber ammunitions.

Gin saksihan naman ang nasambit nga aktibidad nanday Vice Mayor Eduardo Cabaya, PSMS Nelsa L. Beatingo, Aleosan,Police Major Kambang, PSWDO Head Jocelyn Maceda kag si North Cotabato Governor Nancy Catamco