KORONADAL CITY- Nabatyagan na suno pa ang pagsaka sang presyo sang produkto nga petrolyo sa Pilipinas ilabi na sa Mindanao.

Sa interbyu sang Bombo Radyo Koronadal, ginpahyag ni Nilo Heroche, chief sang Energy Division sang DOE-Mindanao nga naglab-ot na sa
P1.60 ang pagsaka sa presyo sang gasolina, P1.20 sa diesel samtang P1.05 ang pagsaka sa presyo sang kerosene.

Ginbuyagyag man ni Heroche nga isa sa mga rason sini amuh ang pagsaka sang presyo sa international market.

Apang ginpaklaro sini nga wala sang kaangtanan ang Tax Reform for Accelaration and Inclusion (TRAIN) Law sa nabatyagan nga
pagtaas sang mga presyo sang produktong petrolyo.

Angot sini gin-awhag sang opisyal ang mga pumuluyo nga mangin vigilante agud malikawan nga mabiktima sang bentahoso nga negosyante.

May yara naman sang ginapatuman nga price board ang ahensya sang tagsa ka gasoline station.

Ginpahanumduman man ni Heroche ang mga ini nga magkinot sa pag gamit sang petrolyo agud malikawan ang tuman nga gastos.