KORONADAL CITY- Magapatigayon na sang nagkalain-lain nga pre-emptive measures ang Local Government Unit sang Koronadal agud nga mapunggan ang pagsulod sang balatian nga African Swine Fever ukon ASF.

Sa esklusibo nga interbyu sang Bombo Radyo Koronadal kay Dr Charlemagne Calo, Koronadal City Veterenarian ginpahayag sini nga magapatigayon sila sang quarantine checkpoints sa syudad partikular na sa Bo. 6 kag Brgy Morales agud nga masekyar nga ang mga nagasulod nga meat kag poultry products ang luwas.

Suno kay Calo, pagasekyaron nila ang mga veterinary health certificates sang mga nagasulod nga mga farm animals sa Koronadal City kag kun kulang suno pa ang mga mapakita nga mga dokumento, hugot nila ini nga dumilian.

Ang nasambit suno pa nga tikang ang base naman sa direktiba sang Department of Agriculture nga dapat nga i-implementar.

Magluwas sini, magapatigayon man sang information Education Campaign ang lokal nga gobyerno sa mga clustered barangays agud nga mas maintindihan sang mga pumuluyo ang angot sa balatian nga ASF.

Sa nasambit nga seminar, hugot man nga ikampanya ang “No to Swill Feeding” ukon ang pagpakaon sa nga hinuptan nga baboy sang mga damog bangud ini suno pa ang masami nga tunaan sang mikrobyo kag virus nga posible magresulta sa ASF.

Dugang pa sini nga magapatigayon man sang pagdis-infect pinaagi sa pagspray sang mga bulong para sa mga baboy agud nga mas mapabaskog pa ang biosecurity.

Sa karon, panawagan sini sa publiko nga ipabilin ang good hygiene ilabi na kun may yara sang piggery kag sundon ang mga abiso sang gobyerno agud malikawan ang pagsulod sang ASF sa South Cotabato.