-- ADVERTISEMENT --

KORONADAL CITY – Nagapadayon sa subong ang imbestigasyon sang mga otoridad sa pagpangluthang-patay sa isa ka opisyal sang kapulisan sa Barangay Road, Purok Summer Snow, Barangay Baras, Tacurong City.

Ginkilala ang napatay nga pulis nga si PEMS Agusto Braganza, 53 anyos, nga residente sang Purok Daisy sa nasambit nga Barangay kag Command Executive Senior Police Officer sang Tacurong City PNP.

Suno kay PSMS Ricardo Bryan Villagracia III, imbestigador sang Tacurong PNP, dead on the spot ang ia opisyal makaligad nga nakaangkon sang duha nga igo sag bala sa iya nga ulo.

Narekober sang SOCO sa ginluntaran sang krimen ang duha ka empty shell sang indi pa mahibaluan nga armas nga ginusar sang suspek.

Dugang pa ni Villagracia, ginlagas pa sang pila ka mga residente nga nakakita sa pagpangluthang ang gunman nga nakasakay sa Raider nga motorsiklo nga nag lutang sa biktima.

-- ADVERTISEMENT --

Indi pa mahibaluan sa subong kong ano ang motibo sa pag pang lutang apang indi makakas ang angulo nga may kaangtanan sa iya nga ubra.

Wala naman suno pa nga nakabaton sang pagpamahog ang biktima bag-o pa man nga natabo ang insidente.

Sa karon, hustisya ang ginasinggitan sang Pamilya sang biktima.

Samtang, hugot naman nga ginkondenar sang mga kaupdanan sini sa Tacurong City PNP ang kamatayon sang biktima.

Naka-half mast naman sa karon ang hayahay sang estasyon bilang pagpangasubo sa natabo sa nasambit nga opisyal.