KORONADAL CITY- Nakaalerto subong ang South Cotabato PNP sa posibilidad sang pagsalakay sang mga armado nga grupo halin sa probinsya sang Maguindanao.

Sa interbyu sang Bombo Radyo Koronadal kay South Cotabato Police Provincial Director Senior Superintendent Franklin Alvero, hugot nila nga gina monitor ang pamahog sang pagsalakay sang mga rebelde nga grupo nga naghalin sa probinsya sang Maguindanao nga nagapakilala nga mga katapo sang PNP kag militar.

Nahibaluan nga ginkaalarma ang estilo sang mga rebelde kun sa diin suksok sang mga ini ang uniporme sang PNP kag AFP.

Madumduman nga sini lamang nga nakaligad nga semana, ang mga nagpang-atake nga mga myembro sang BIFF sa Police Detachment sa Maguindanao ang nakasuksok sang uniporme sang pulis kag suldado.