KORONADAL CITY – Kasamtangan na nga ginaaksyonan sang Lutayan PNP ang isyu sang modus sa pagpanagtag sang social amelioration program sa isa ka remittance center diri sa siyudad sang Koronadal.

Sa interbyu sang Bombo Radyo Koronadal kay Maj. Harun Sumensil, hepe sang Lutayan PNP, ginpahayag sini nga ginahulat na lamang nila ang pormal nga pagsang-at sang reklamo batok sa mga tawo nga responsable sa nasambit nga pagpanunto.

Ila man nga ginatutokan ang mga reklamo sang pila ka mga concerned citizens angot sa nasambit nga modus.

Dugang sang opisyal, nakig-angot na suno pa ang DSWD sa ila kag nagapangayo sang bulig agud masabat ang ansambit nga problema, kag pagahibaloon kun sin-o ining “dako nga tawo” nga ginatudlo nga mastermind sang nasambit nga modus.

Nahibaloan nga nagpamalibad nga magkomento ang manager sang MLhuillier sang ginkuhaan ang pahayag sini angot sa nasambit nga isyu kag ginpahayag nga bahala na suno pa ang ila legal team nga magsabat diri.