KORONADAL CITY- Nagtanom sang kalain sang buot ang mga himata sang mga biktima sang Maguindanao massacre bangud sa mabudlay sa gihapon nga pag angkon sang hustisya para sa ila mga pinalangga sa kabuhi.

Sa ekslusibo nga interbyu sang Bombo Radyo Koronadal kay Jan Chienne Maravilla, kadungan sang ika pulo nga anibersaryo sang Maguindanao massacre nga kilala man nga Ampatuan massacre, dismayado sila sa indi na suno pa maayo nga Justice System sa Pilipinas.

Makaligad ginpaboran sang korte ang pagpaiway sa promulgasyon sang kaso, nagapati sila nga may lamud sang kurapsyon kag kwartahanay na lamang ang pag angkon sang hustisya sa pungsod.

Kumpiyansa sila nga nagakaigo ang mga ebidensiya nga ginpresentar apang gin insister man sini nga indi nila luyag sang partial conviction sa nasambit nga kaso.

Samtang sa subong ginapa sa diyos na lamang nila ang pag angkon sang hustisya bangud amat amat sila nga nagakadulaan sang salig sa sistema sang hustisya sa pungsod.