KORONADAL CITY – Nagapangayo sang bulig ang pila ka mga investors makaligad naglab-ot sa masobra 15 million nga balor sang investment ang nadagit sang isa ka online business networking manager sa facebook halin syudad sang Koronadal, iban nga bahin sang South Cotabato mangin man sa Middle East.

Sa interbyu sang Bombo Radyo Koronadal kay Jessa Biona yara sa legal nga edad kag isa sa mga investors sang wala pangalan nga business networking, basta nalang sila na-engganyo sang isa ka Christine Joy Ferrer pinaagi sa fb post sini nga nagapromisa nga pagatriplehun ang ila kwarta kun sa diin bag-o suno pa nagpalpak ang nasambit nga investment.

Ginpatilaw anay sya sang suspek sang P2,500 nga tubo sa sulod lang sang 25 ka adlaw halin sa P5,000 nga investment sini kun sa diin na-enggganyo ini nga mag invest sang P30,000 tubtob sa wala niya na ini nabawi pa.

Natukiban man nga indi lang dyutay nga kantidad ang gin-invest bangud pila sa mga investors nga ginhimo sini nga Team leader halin sa Cotabato ang naka invest sang P600,000 kag may yara pa sang P15 million ang apang wala pa nabalik an kwarta.

Rason naman ni Ferrer ang kapaslawan suno pa na magbayad san processing fee sang iban pa nga magpamyembro kun sa diin isa-isa sini nga ginpangblock sa facebook ang iya mga investors.