KORONADAL CITY – Nagahingyo sang bulig nga makapauli gilayon ang isa naman ka maltreated OFW sa Kuwait bangud sa pagpangmaltrato nga ginhimo sa iya sang amo samtang nagatrabaho sa nasambit nga pungsod.

Sa ginpadala nga mensahe ni Julaidah Mapambocol, residente sang Koronadal City, ginpakigbahin sini nga ginmaltrato siya sang iya nga una nga employer kag pasaylo-saylo ini sang apartment nga ginalimpyuhan.

Sang nagsaylo naman siya sa ikaduha nga employer, ginguba suno pa ang iya nga cellphone kag ginkumpiskar pa ang iya mga dokumento.

Ginpaandaman man siya nga pabayron sang iya nga employer kun luyag sini nga magpauli sa pungsod rason nga wala siya sang may nahimo kundi ang magpabilin sa Kuwait.

Sa iya nga ikatatlo nga amo, diri na siya nakaeksperiensiya sang kabudlay sa pag-ginhawa kag nagbalatian rason nga nagpadulong ini sa iya nga recruitment agency agud magpauli apang wala siya ginpahanugutan kag ginbalik liwat sa employer sini.

Bagud nga indi na sini masarangan pa nga mag-ubra liwat ini nga nagbalik sa ahensiya kun diin Oktubre 10, 2019 sang nagsang-at sang repatriation ang iya pamilya agud makapauli siya sa Pilipinas.

Apang sa baylo nga idul-ong siya sa airport, ginbalik naman ini sa ahensiya kag ginhold ang iya nga passport kag mga kagamitan sini sang masobra tatlo ka bulan.

Kaangot sini, nagapanawagan siya sa POEA kag OWWA nga kuntani aksiyunan ang iya nga kondisyon kag buligan nga makapauli gilayon sa pungsod.