-- ADVERTISEMENT --

KORONADAL CITY – Nadugangan naman ang mga myembro sang BIFF-Karialan faction nga nagsungka sa mga otoridad sa banwa sang Midsayap, North Cotabato.

Ginkilala ni Col. Jovencio Gonzales, Brigade Commander sang 602nd Brigade, PA ang mga nagsunga nga sanday Sanny Boy Satol Mamalumpong alyas Takokan, Ato Menis Sandato alyas Ado, Satol Gamblay Butuan kag Darang  Katog nga lunsay nga residente sang nasambit nga banwa.

Bitbit sang mga ini ang mga high powered firearms sa ila pagsungka sa mga otoridad nga ginalakipan sang (1) modified M60 Barrett rifle, two (2) modified 7.62mm sniper rifles kag o (1) M14 rifle.

Ang pagsungka sang mga ini ang bangud sa padayon nga pagpang-awhag sang mga otoridad kaupod ang LGU sa mga katapu sang BIFF kag lawless groups nga magbalik sa sabak sang gobyerno agud makapangabuhi sang matarong kag matawhay.

Kaangot sini, lauman pa ang pagdugang sang mga magasungka sa madason nga mga inadlaw.

-- ADVERTISEMENT --