NORALA, SOUTH COTABATO– Naghingyo na sang bulig kay Pangulong Rodrigo Duterte ang tiya sang isa ka OFW sa Kuwait nga ginapatihan ginpatay sang employer sini.

Ginkilala ang biktima nga si Jeanelyn Villavende, 26-anyos residente sang Brgy Tinago, Norala, South Cotabato.

Sa esklusibo nga interbyu sang Bombo Radyo Koronadal kay Nelly Padernal tiya sang biktima, luyag nila nga mahibaluan ang rason sang kamatayon sang iya hinablos kag ginapangayo nila nga mapauli sa mas madali nga tion ang bangkay sang biktima sa South Cotabato

Lubos nga kasakit naman ang ila nabatyagan labi na nga natabo ini antes mag-bag-ong tuig.

Ginpahayag pa ni Padernal nga gusto lamang kuntani ni Jeanelyn nga makabulig sa iya pamilya kag mapakatukod sang puluy-an para sa iya nga pamilya rason nga nagpadulong ini sa Kuwait.

Nahibaluan nga subang sa3 ka mag-ulutod si Jeanelyn kag siya lamang ang ginalauman sang pamilya nga makatibawas sa kapigaduhon.