KORONADAL CITY – Nagapati ang mga otoridad nga posible sa pagpanimalos ang ginhimo nga pag ambush sang New People’s Army sa Barangay Sta Clara sa banwa sang Kalamansig, Sultan Kudarat nga nagaresulta sa pagkapatay sa isa ka suldado.
Suno kay Kalamansig PNP chief of police Major Danilo Castillo, ini ang ila nga nakit-an nga motibo sa pag ambush sa komunistang grupo makaligad nadakop sa isa ka entapment operation ang utod sang isa ka NPA commander.
Dugang sang opisyal, ang nasambit nga suspek ang may kaso sang extortion kag sa subong yara sa lockup cell sang ila nga talatapan.
Sa subong may ngalan na sila nahibaluan sa nasambit nga pag-pang ambush kag ila na iga preparar ang mga kaso batok sa mga ini.