KORONADAL CITY- Ginahibalo pa sang Banga PNP ang identity sang isa ka lalaki nga biktima sang pagpangluthang sa Brgy. Rizal Banga South Cotabato.

Sa interbyu sang Bombo Radyo Koronadal kay Brgy. Rizal kapitan Rudy Pagulong, indi pa nila matumod kun ano ang motibo sang nasambit nga krimen kag ang identity sang biktima.

Nahibaluan nga pila ka residente ang nagreport nga may nasapwan nga bangkay sang lalaki nga nagapaligo sa kaugalingon nga dugo kun sa diin narekober man ang motorsiklo nga ginapatihan nga ginapanag-iyahan sang biktima.

Narekober man sa lugar ang basyo sang bala sang cal. 45 na baril samtang ginapatihan nga indi suno pa residente sang lugar ang biktima.