KORONADAL CITY- Personal nga nagdangop sa waragwagan sang Bombo Radyo Koronadal ang isa ka driver/operator nga suno pa biktima sang pagpangilkil sang isa suno pa ka kooperatiba kun sa diin ginasukot sila sang mahal nga balor para sa ila nga mga biyahe.


Suno kay Peter Carreon, nag-umpisa ang tanan sadtong 2018 sang nag-abri ang Koronadal City Integrated Public Terminal.
Una nga nagbutang sang ila mga units ang van cooperative nga POLMARGEN, apang may nag-atubang sa ila nga kooperatiba nga nagapakilala nga UVTS-Apstar.


Dugang pa ni Carreon, kinahanglan suno pa nga magbayad ang Polmargen sang P50,000 agud makaturno suno pa sila sa terminal kag makabiyahe.


Kinahanglan man suno pa nga magbayad ang mga driver/operator sang P150 agud mapahanugotan sila nga makabiyahe.
Apang diri na suno pa napuno si Carreon bangud nagkadto sa bulsa sang ila kolektor nga si Alfredo Dalde alyas Nonoy Bantol ang kwarta sa baylo sa kooperatiba, kag ginaaligar nga ginagasto nila ang ila kwarta sa pag-inom-inom sa isa ka ilimnan.

Bangud sa nabuyagyag, nagdangop na siya sa kapulisan agud maaksyonan ang nasambit nga expose, apang kasubong nga wala ini nahatagan ligwa sang mga otoridad rason nga nagdangat ini sa Bombo Radyo Koronadal.


Nahibaloan nga mga kaso nga estafa, unjust vexation, kag grave coercion ang ginsang-at sini batok sa mga nagapadihot sa nasambit nga mga persona nga sanday Romeo Berlanas, secretary kag treasurer nga si Charmaine Cuevas, Jerry Serrano, Edgar Taborete, Gerty Amorganza, Jethrow Alonzo, kag Dalde.


Una nga nagbutang sang ila mga units ang van cooperative nga POLMARGEN, apang may nag-atubang sa ila nga kooperatiba nga n