KORONADAL CITY – Hugot nga ginapamatukan sang National Union of Journalists of the Philippines ang ginaduso nga himuon nga tourist destination ang ground zero sang massacre site sa Sitio Masalay, Brgy. Salman, Ampatuan, Maguindanao.

Ini ang ginpahayag ni NUJP secretary-general for Davao City Kath Cortez sa interbyu sang Bombo Radyo Koronadal.

Suno kay Cortez nga isa ka sahi sang pagpangbastos para sa mga nabilin nga pamilya sang mga biktima ang nasambit nga tikang bangud ginahanduraw nila ang mapait nga nadatnan sang ila minahal sa kabuhi sa nasambit nga lugar sa tagsa ka tuig.

Suno pa nga wala sila nagapadulong sa lugar agud nga mag sight seeing apang amo ang magsindi sang kandila kag pangamuyuon nga makangkon ang hustisya para sa ila mga himata.

Samtang apela sini sa gobyerno nga pahugtan ang ila mga tikang sa pagdakop sa mga suspek nga nagapabilin nga at large nga posible nga mangin pamahog suno pa sa mga pamilya sang massacre victims.