KORONADAL CITY – Mas ginpahugtan pa sa sang mga otoridad ang pag monitor sa probinsya sang North Cotabato makaligad nakit-an ang pila nga bomba, kadungan sa paghanduraw sa ika-11 anibersaryo sang Maguindanao Massacre kahapon.

Base sa impormasyon nakuha sang Bombo Radyo Koronadal, nakit-an sang isa ka katapo sang CAFGU ang mga eksplosibo sa pagpatrolya sang Joint Task Force Central sa nasambit nga lugar, rason nga hinali ini nga ginrespondehan sang mga otoridad.

Nakit-an sa nasambit nga area ang isa ka 60mm mortar, 81mm mortar kag iban pa nga eksplosibo.

Gilayon nga nakig-angot ang Joint Task Force Central sa Explosive Ordnance Team agud tiggyon nga ma-defuse ang nasabit nga mga eksplosibo.

Sa subong, ginahibalo na sang otoridad kong sin-o ukon ano nga grupo ang responsable sa mga bomba kag kun may plano bala ini nga ipasigabong sa iban nga bahin sang rehiyon.