KORONADAL CITY РNagalab-ot sa kapin 30 pamilya ang apektado sa pagpanalasa sang tubig baha sa pila ka kabarangayan sa Bagumbayan, Sultan Kudarat.

Sa interbyu sang Bombo Radyo Koronadal kay Bagumbayan Mayor Jonalette de Pedro, kadam-an sa mga ini yara sa Barangay Sarmiento, magluwas pa sa mga barangay sang Poblacion, Daguma, kag Kapaya kong sa diin nagalab-ot sa tuhod ang kadalum sini.

Ginpahayag sang alkalde nga nakapagkit sila sang landslide sa Barangay Titulok kag Barangay Chua.

Nagapadayon sa gihapon ang damage assessment sa kabug-usan nga balor sang damyos sa imprastraktura kag agrikultura bangud sa kalamidad

Sa subong, amat-amat na nga nagapanumbalik ang mga residente kun sa diin ginhatagaan nila sang P1,000 tub-tub P3,000 nga ayuda ang mga apektado nga pamilya.