KORONADAL CITY– Wala-tuo sa karun ang mga nabaton nga pagdayaw sang Sultan Kudarat beauty nga si Sharifa Areef Mohammad Omar Akeel makaligad ini nga koronahan bilang Mutya sang Pilipinas-Asia Pacific International.

Samtang sa pihak sang napamatud-an nga kaanyag kag kaalam sang dalaga, wala man ini gin untatan sang mga bashers ilabi na sa social media halin sa iban nga mga kasubong nga mga Muslim nga nagapakamalaot suno pa sa pagsali sini sa beauty pageant ilabi na ang tuman nga pag expose sang panit nga isa sa mga ginadumilian sa nasambit nga relihiyon.

Dugang pa sini nga ginabasol man sang mga bashers sa dalaga ang naeksperyensyahan nga kalamidad sa pungsod nga tuman nga ginkontra sang mga supporters sang beauty queen.

Kaangot sini, suno kay Sharifa, ang pagsali sini sa beauty pageant kag ang kadalag-an sini ang representasyon sang kaanyag, kaalam kag karakter sang isa ka bababe nga Muslim kag luyag sini nga pamatud-an nga ang Islam ang relihiyon sang kalinong.

Sa iya nga kadalag-an luyag man sini nga maghugpong ang Muslim kag Kristiyano kag pagapanindugan sini ang kadalag-an apisar anu pa ang iya paga atubangon makaligad ginkoronahan nga Mutya ng Pilipinas.