-- ADVERTISEMENT --

KORONADAL CITY – Temporaryo nga ginsirado sa publiko sa sulod sang isa ka semana ang municipal hall sa banwa sang Tboli, South Cotabato makaligad nga may nagpositibo nga mga empleyado.

Ini ang ginkumpirmar ni Mayor Dibu Tuan sa interbyu sang Bombo Radyo Koronadal.

Suno kay Mayor Tuan, ini agud hatagan sang dalan ang contract tracing sa mga empleyado makaligad nga napagkit ang 9 ng aktibo nga kaso sang covid-19 kag matigayon man ang dis-infection.

Magluwas diri, tatlo ka barangay pa sa nasambit nga banwa ang ginpaidalom sa granular lockdown bangud sa pagsaka sang kaso sang covid-19.

Ginalakipan ini sang mga barangay sang Poblacion, Edwards kag Kematu kun sa diin yara sa masobra 200 ka pamilya ang apektado.

-- ADVERTISEMENT --