POLOMOLOK, SOUTH COTABATO – Ginbawian sang kabuhi ang isa ka ginapatihan nga motornapper matapos nga magbato sa mga otoridad sa Purok Singko, Barangay Crossing Palkan, Polomolok, South Cotabato pasado alas-11 kaina sang aga.

Ini ang ginkumpirmar ni Police Capt. Rommel Hitalia, deputy chief of police sang Polomolok PNP sa interbyu sang Bombo Radyo Koronadal. Ginkilala ni Capt.

Hitalia ang suspek nga napatay nga si Ronald Magalino samtang ang upod sini nga si alyas Taloy Makatigil ang nakapalagyo.

Lunsay suno pa mga miyembro sang Dawlah Islamiyah ang mga suspek kag involve sa carnapping, pagpang-ambush sa kapulisa kag iban pa nga krimen.

Suno kay Hitalia, may nagreport sa kapulisan sa mga suspek nga nagasakay sa karnap nga motorsiklo rason nga nagpatigayon sang operasyon ang kapulisan kun diin nagpalagas pa ang mga suspek. Nadala pa sa hospital ang suspek apang gindeklarar na ini nga dead on arrival.

Samtang, narekober naman ang ginkarnap nga motorsiklo sang biktima na si Ivan Jay Nalugon nga ginluthang-patay sang mga suspek sa Barangay Silway 8 sa nasambit nga banwa sang damlag lamang.