KORONADAL CITY – Gindeklarar nga adopted daugther sa probinsya sang South Cotabato si Miss Universe 2018 Catriona Gray bangod sa pag showcase sini sang sang T’nalak cloth and T’boli culture sa universal arena.

Nahibaluan nga magasang-at sang resolusyon ang Sangguniang Panlalawigan agod nga ganapa nga mangin adopted daughter sang South Cotabato si Catriona.
Ini bangod kay napakita sang Miss Universe 2018 sa global stage sang Miss Universe ang Seven Falls sa banwa sang Lake Sebu nga tourist destination sa probinsya.

Magluwas diri, nakita man sa video ni Gray angot sa Pilipinas ang South Cotabato partikular na ang mangaranon nga kultura sang mga T’boli bilang Land of Dreamweaver’s .

Suno kay South Cotabato pageant director Noel Garovillo nag dako ang ila nga pagpasalamat kag iya ginapabugal sang mga South Cotabateños nga ginpakilala sa kalibutan ni Catriona ang Tnalak cloth nga isa ka sagrado nga tela nga ginhabla sang T’boli people sa Lake Sebu, South Cotabato halin sa isla sang Mindanao.

Madumduman nga ginkalipay man sang beauty queen sang selebrasyon sang T’nalak Festival.

Nagalaum naman ang mga opisyal nga mas madamo pa ang mga turista sa South Cotabato bangod sa ginhimo ni Gray kun sa diin nagakadapat lamang ini nga mahatagan sang pagkilala.