KORONADAL CITY- Nagalaum ang mga pumuluyo sa banwa sang Lake Sebu South Cotabato nga liwat sila nga pagabisitahon ni Catriona Gray bilang Miss Universe 2018 kadungan sang pagbalik sini sa pungsod subong nga adlaw makaligad ang Miss Universe beauty pageant sa pungsod Thailand.

Sa ekslusibo nga interbyu sang Bombo Radyo Koronadal kay Lake Sebu Tourism officer Leslie Buclaras nga dako suno pa ang mabulig ni Miss Universe Catriona Gray agud tigayon na nga madula ang diskriminasyon sa mga Tboli bangud sa proud sini nga pagdala sang kultura nga Tboli sa international arena.

Samtang sa pihak nga bahin, nagapati naman ang tribo nga nangin lucky charm ni Catriona ang Tnalak cloth nga isa ka sagradp nga tela nga ginahabi sang mga Tboli base sa mga patterns nga nadamguhan.

Nahibaluan nga indi basta-basta na lamang ginasuksok ang Tnalak bangud kinahanglan pa ini halaran sang ritwal kag kinahanglan man suno pa ini abyanon bangud nagapati ang mga Tboli nga may gahum ang sagrado nga tela.

Kaangoy sini gintun-an man mismo ni Catriona ang pagsuksok sang Tnalak dress kag ang paghimo sang mga aksesorya sang Tboli tribe sang nagbisita ini sa South Cotabato.