KORONADAL CITY – Yara sa kapin 80 porsyento ukon minilyon nga mga balor sang agrikultura ang naguba makaligad ginlamon sang tubig-baha bangud sa padayon nga pagpanalasa sang ulan sa Mamasapano, Maguindanao.

Sa impormasyon nga nakuha sang Bombo Radyo Koronadal, alanihon na kuntani ang mga humay nga gindalasa sang baha subong nga bulan.

Kasubo naman ang nabatyagan sang pila ka mga residente bangud ini ang ila nagapanguna nga ginakuhaan sang kwarta apang ginhalitan sang baha.

Photo credits to the owner.

Nagbakwit ang mga ini sa ila tagsa ka mga panimalay bangud sa pagsaka sang lebel sang tubig kag wala man lang sang may nasalbar.

Ginpasiguro naman sang Bangsamoro local government nga pagahatagan sang bulig ang mga apektado nga mga residente. Sa subong padayon ang ginahimo nga damage assesement sang MDRRMO-Mamasapano.