KORONADAL CITY-Padayon ang monitoring sang kasuldaduhan sa hulag sang Bangsamoro Islamic Freedom Fighters makaligad mapatay ang isa sa matag-as nga opisyal sang BIFFF halin sa ginbansagan nga Karialan faction makaligad ginlunsar ang law enforcement operation sang mga otoridad sa probinsya sang Maguindanao.

Madumduman nga ginkilala ang napatay nga amuh sanday Ibrahim Ali alyas Kumander Ibs nga suno pa isa ka bomb maker kag trainer sang BIFF.

Suno kay 6th Infantry Division spokesman Captain Arvin Encinas, nagpatigayon sang law enforcement operation ang gintingob nga pwersa sang 19th IB, 603rd Brigade Philippine Army, DOS PNP kag Criminal Investigation and Detection Group (CIDG-ARMM) malapit sa isa ka gasoline station sa Brgy. Awang, Datu Odin Sinsuat Maguindanao kun sa diin naigo ang nasambit nga kumander sang BIFF.

Nagbato suno pa ang nasambit nga lider sang rebelde rason nga ini ang napatay.

Nakuha naman sa posisyon sini ang kalibre .45 kag mga bala.

Ginasiling naman nga madugay na nga ginapangita sang militar kag kapulisan si Kumander Ibs base sa kasuguan sang Department of National Defense (DND) kasunod sang gindeklarar nga Martial Law ni Pres. Rodrigo Duterte sa Mindanao.