-- ADVERTISEMENT --

KORONADAL CITY-Nagapakig-angot na sa karun ang mga militar sa mga katapo sang Moro Islamic Liberation front (MILF) nga mag bulig na sa pagpauntat sa tension sa banwa sang Pikit, North Cotabato kag Pagalungan , Maguindanao makaligad nga nag engkwentro ang duha ka pamilya nga madugay suno pa nga wala naga intyendihanay bangud nag-intra na ang pila ka mga miyembro sang ila nga grupo sa nasambit nga tension.

Ini ang nangin pahayag ni Lt.Col John Paul Baldomar, Tagpamaba sang 6ID PA, sa interview sang Bombo radyo Koronadal.

Suno sa opisyal, gina maximize na nila nga ila nga pagpakig-angot sa militar sa MILF para ipa settle ang nasambit nga tension bangud indi luyag sang kasuldaduhan nga magluntad ang engkwentro sa militar kag MILF.

Sa subong naka pukos na ang pwersa sang mga militar sa pag protoher sa mga sibilyan nga naipit sa kinagamo sa nasambit nga boundary agud nga indi maulamid ang mga ini sa kinagamo.

Nangin kalmado naman sa subong ang tension sa tunga sang mga naga engkwentrohanay nga grupo kag nakapwesto naman sa lugar ang pwersa sa militar agud nga ipabilin ang kalinong sa lugar.

-- ADVERTISEMENT --