KORONADAL CITY – Ginakampanya sang mga OFW’s sa Middle East nga indi pagbatunon ang ginatanyag nga masobra P59 milyon nga blood money sang mga employer ni Jeanelyn Villavende. Kasunod ini sang pagkamatay sang nasambit nga OFW sa kamot sang iya nga babaye nga amo.

Ini ang ginpahayag ni Susan Dubria, isa ka domestic helper sa Kuwait sa sulod sang walo ka tuig kag residente sang Brgy. Tinongcop, Tantangan, South Cotabato sa interbyu sang Bombo Radyo Koronadal.

Kadungan sini, ginapanawagan ni Dubria sa pamilya Villavende nga indi gid pagbatunon ang blood money nga masobra 59 milyon agud nga makaangkon sang respeto gikan sa Kuwaiti employees sa ila bilang mga domestic helper.

Samtang, gin-ako man sini nga nakaluwas na siya kag nakapapauli sang mga OFWs, labi na sa iban nga mga rasa nga napamatud-an nga ginamaltrato sang ila mga employer.