KORONADAL CITY – Nagahalong sa subong ang mga OFWs sa pungsod Lebanon bangud sa nagaluntad nga hublag protesta didto.


Ginaprotesta sang mga raliyesta ang ginaduso sang ila pungsod nga mangin independent kag ang pagtibusok sang dollar reserves.


Sa interbyu sang Bombo Radyo Koronadal kay Annalyn Dagum, isa ka OFW sa Beirut, wala na suno pa sang nagaobra kag nag-intra na ang tanan sa nasambit nga protesta.


Apisar wala sang may ginadakop ukon ginapreso nga mga raliyesta, naka-standby suno pa ang mga pulis sa posible nga paglala sang nasambit nga aktibidad.


Dugang ni Dagum, ginapaagi sang mga tawo ang pagsunog sang goma bilang pagkontra sa ginaduso sang ila gobyerno.


Kaangot sini, gin-abisuhan na sila sang embahada nga magbakwit na sa nasambit nga pungsod agud makapauli na sila sa Pilipinas.


Ginpasiguro man sini sa iya mga himata diri sa PIlipinas nga yara sila sa luwas nga kondisyon bangud wala naman siya nagaintra sa mga nagaprotesta kag masami sila nakabantay sa mga nagakatabo.