KORONADAL CITY – Magahalin subong nga adlaw ang mga bus nga ginpain sang Office of the President nga Hatid Tulong Initiative para sa mga LSIs nga taga Metro Manila kag na-stranded sa Rehiyon 12.

Nagapanawagan naman subong si DILG-12 Information Officer Designate Arthur Condes sa tanan nga Locally Stranded Individuals nga yari sa nagkalain-lain nga lugar sa rehiyon 12 nga luyag magbalik sa Metro Manila, nga magpadulong lamang sa pinakamalapit nga banwa sa lugar kag magpalista sang ila pangalan.

Dugang pa sini, kinahanglan nga mas temprano nga makumpleto ang mga madason nga dokumento: medical certificate, negatibo nga resulta sang COVID 19 test kag travel history halin sa mga kapulisan.

Kag sa tion nga makumpleto ang nasambit nga mga requirements, magpadulong lamang sa Sultan Kudarat Provincial Grounds agud makaupod sa nasambit nga biyahe.

Magahulat ang nasambit nga bus sa mga ini umpisa alas 7 sang aga tubtob alas 12 sang udto.