KORONADAL CITY – Nagakabalaka sa subong ang pila ka residente sang North Cotabato makaligad madugangan ang barangay nga naapektohan sang African Swine Fever ukon ASF.

Sa nangin pahayag ni Provincial Veterinarian Dr. Rufino Suropia, ginpakigbahin sini nga tuman nga naapektohan sang virus ang banwa sang Magpet kag Arakan kun sa diin nadugangan pa sang tatlo ka barangay ang naapektohan sang ASF sa nasambit nga mga banwa.

Ginpahayag man sini nga 900 na ang mga baboy nga ginpaidalom sa culling ukon nadepopulate samtang yara sa 30 naman sa Sitio Penidan sa Barangay Lanao Kuran, Arakan sa boundary sang Marilog District nga may kumpirmado man nga kaso sang balatian.

Samtang nakakuha man ang Veterinary office sang blood sample sa 10 ka barangay nga malapit sa boundary sang Arakan apang tubtob sa subong ginahulat pa ang test result samtang nagapadayon ang culling activity.

Sa subong, apesar wala pa sang insakto nga datos ang talatapan subong, padayon ang paghatag nila sang pahanumdom sa epekto sang ASF sa tanan nga may hinuptan kag negosyo nga baboy agud indi na maglapnag pa ang virus.