KORONADAL CITY – Naglab-ot na sa masobra walo ka libo nga pamilya ang apektado sang malapnagon nga baha sa duha nga banwa sa probinsiya sang North Cotabato.

Ini ang ginpahayag ni MDRRMO Tahera Kalantungan sang Pikit North Cotabato.

Suno kay Kalantungan, naglab-ot sa 22 taan ka baranggay sang nasambit nga banwa ang nalubog sa baha rason nga madamo ang nagbalakwit kag nagpabilin sa evacuation centers samtang ang iban ang yara sa ila nga mga himata.

Gilayon naman nga nagpanghatag sang bulig ang LGU sa mga apektado nga pamilya.

Nagapasalamat naman ang LGU nga sa pihaak sang naeksperiensiyahan nga baha, luwas ang tanan nga mga residente.

Samtang, yara naman sa masobra isa ka libo na nga mga pamilya man ang apektado sang baha sa kaiping nga banwa sa Kabacan North Cotabato.