KORONADAL CITY – Yara na sa kustodiya sang Tboli PNP ang duha sa masobra 70 suspek kalakip ang isa ka anay konsehal sa nagluntad nga pagpang-harrass sang mga ini sa Sitio Pagang, Brgy Basag, Tboli, South Cotabato.

Ini makaligad napilasan sanday Dodoy Camingan kag Gerome Pilacion makaligad nga naluthangan sa insidente kag lunsay mga residente sang General Santos City.

Magluwas diri, naarestar man ang ginaaligar nga recruiter sang mga ini nga isa ka anay konsehal nga si Minda Atendido.

Minda Atendido. (courtesy of Bombo Gensan)

Sa interbyu sang Bombo Radyo Koronadal kay PMaj. Irish Parangan, hepe sang Tboli PNP, land conflict ang gin-ugatan sang nasambit nga kinagamo kun sa diin ginsunog pa sang mga suspek nga armado sang mga binangon kag matag-as nga mga kalibre sang armas kag lunsay taga-General Santos City, ang yara sa kapin 20 ka puloy-an kag ginaangkon ang nasambit nga lugar.

Sa subong nagapadayon ang imbestigasyon sang mga otoridad kaangot sa nagluntad samtang ginasang-at na ang nagakaigo nga kaso batok sa nadakpan nga suspek.