-- ADVERTISEMENT --

KORONADAL CITY – Yara na sa state of decomposition ang isa ka lapsag sang masapwan nga nagalutaw-lutaw sa irrigation canal sa bahin sang Purok Gensan,Brgy.Guinsang-an, Sto.Niño, South Cotabato.

Ini ang ginpahayag ni PMAJ sherwin Panaguiton, hepe sang Sto. Nino MPS sa interbyu sang Bombo Radyo Koronadal.

Suno kay Panaguiton, wala na sang ginasuksok nga panapton ang lapsag kun diin makit-an pa nga nagakabit ang umbilical cord sini kag ginapatihan nga bag-o bun-ag ini sang ginhaboy sa kanal.

Dugang pa sang opisyal, posible nga dako nga kahuy-anan sa pamilya ang nagduso sa iloy ukon ginikanan sang lapsag kun ngaa ini ginhaboy.

Apang, indi suno pa makatarungan kag dapat lamang nga pasabton ang mga responsable sa pagpatay kag paghaboy sa lapsag.

-- ADVERTISEMENT --

Sa subong, nagapadayon pa ang imbestigasyon sang mga otoridad sa nasapwan nga lapsag kag ginahibalo kun sin-o ang iloy sini.