Rajasthan, India- Sa panahon subong, madamo sang nagapakilala nga Diyos-Diyos kag luyag nga kilalahon nga agud nga makaangkon sang gahum kag kwarta.

Kasubong na lamang sa pungsod India kun sa diin isa ka lalaki ang na rescue makaligad boluntaryo sini nga ginlubong ang iya kaugalingon sa sulod sang 8 ka oras sa pagpati nga maangkon sini ang gahum, manggad kaluwasan kag agud mangin isa man ka Diyos.

Ginkilala ang nasambit nga persona kay Deeraj Kharol nga naga puyo sa isa ka templo sa Kheda village sa Rajasthan.

Gin anunsyar sini ang paglubong sa iya kaugaligon nga buhi bilang kabahin sang pinasahi na ritwal agud maangkon ang samadhi ukon salvation kag maresurrect bilang Diyos makaligad suno pa ang 3 ka adlaw.

Sa baylo nga punggan ini sang mga pumuluyo sa ila lugar, ginselebrar pa sang mga pumuluyo ang iya kadalag-an kag nagtanyag sang bulig sa paghukay sang lulubngan malapit sa templo kun sa diin ini naga istar.

Deeraj Kharol, lalaki nga boluntaryo nagpalubong sa pagpati nga mangin isa siya ka Diyos makaligad ang tatlo ka adlaw

Sa una nga adlaw, ginlubong nila si Navratra sa buho base sa instructions sini.

Nagtililipon ang mga pumuluyo kag gintabunan ang buho sang bato kag lutak kag nagsugod sa pagpangamuyo kun sa diin ini ginlubong..//Bangud sa natabo madasig nga naglapta ang balita kag nakalab-ot sa regional police station rason nga nagresponder ang mga pulis sa nasambit nga lugar.

Pag abot sang mga pulis sa lugar, nagpakitluoy pa sa mga pulis ang mga pumuluyo nga indi paghukayon si Kharol bangud makaligad sang 3 ka adlaw mangin reborn God na ini.

Apang wala sang nahimo ang mga pumuluyo sa lugar bangud ginhukay sang mga pulis si Kharol halin sa buho agud maluwas ini sa suffocation.

Gindangat naman sa balay bululngan si Kharol nga maluya kag indi makahulag sang maayo apang yara na ini sa estable nga kondisyon.