KORONADAL CITY- Patay ang isa ka sultiro matapos nga ginlabo ang iya kaugalingon sa Brgy. Centrala, Surallah South Cotabato.

Sa interbyu sang Bombo Radyo Koronadal kay Police Inspector Jogines Harris sang Surallah PNP ginkilala ang napatay nga si Raffy Quilacio, 22 anyos kag residente sang Brgy. Dajay sa nasambit nga banwa kun diin hinali na lamag ini nga nagmaoy sa ila nga lugar kag nagpanghangkat sang inaway sa mga kaingod.

Gilayon naman nga nagdinalagan ang mga tawo kag naghingyo sang bulig sa mga otoridad apang ulihi na nag tanan sang maabtan sini bangud nagapaligo na sa iya kaugalingon nga dugo.

Ginresponderan naman ini sang Surallah PNP apang dead on arrival na kag wala nahingagaw pa bangud sa malala nga pilas sini sa iya nga lawas.

Narekober naman ang Lagaraw nga gingamit sini sa pag-utas sang iya kabuhi.

Suno sa amay sang biktima, nakaangkon sang diperensya sa panghuna-huna nag biktima sang mainvolbar sa kinagamo sa Bukidnon may kahilabtanan sa paghigugma nga nagresulta sa pagpangulata kag pagbuno sa iya.