-- ADVERTISEMENT --

KORONADAL CITY – Nagdepensa ang Brgy. Kapitan sang Brgy. Zone IV, syudad sang Koronadal angot suno pa nga nangin kaupod ang pangalan sang asawa sini nga PWD kag duha ka mga utod sini nga mahatagan sang benepisyo sang social amelioration program.

Sa eksklusibo nga interbyu sang Bombo Radyo Koronadal kay Kapitan Gener Janapon, wala suno pa ini sang ihibalo nga nagfill-up sang form ang iya nga asawa nga si Carmelita makaligad ini nga nakabaton halin sa purok president sang nakit-an ang sitwasyon.

Kaupod ang asawa sini sa masobra 1,400 nga mga indibidwal nga kwalipikado sa makabaton sang nasambit nga bulig.

Apang, ginpaathag sini nga nakahanda naman suno pa nga i-waive ukon indi pagbatunon ang benepisyo agud magamit sang iban nga nagakadapat sa ayuda.

Samtang ginbaton naman sang iya mga utod nga sanday Eduardo kag Edgardo ang ila nga assistance ilabi pa nga sila mga pintor sang salakyan kag nadulaan sang obra.

-- ADVERTISEMENT --

Kaangot sini, nagpaandam naman si DILG 12 Regional Information Officer Designate Arthur Condes nga may palanabton ang sin- o man nga barangay official nga makabaton sang benepisyo para sa mga pigado nga mga pumuluyo.